उप वनरक्षक विभाग – रोहा

          ठाणे वृत्तातील रायगड जिल्ह्याचे दक्षिणे कडील रोहा, माणगांव, तळा, महाड, पोलादपूर, म्हसळा, श्रीवर्धन व मुरूड या आठ तालुक्याचा समावेश रोहा वनविभागाचे कार्यक्षेत्रात होतो. सदरचे क्षेत्र पश्चिम घाट क्षेत्रात येत असून ते जैवविविधतेने समृध्द आहे. वनविभागाच्या उत्तरेला रायगड जिल्ह्यातील अलिबाग वनविभागाचे क्षेत्र, पुर्वे ला पुणे व सातारा जिल्ह्यातील अनुक्रमे भोर स्वतंत्र उपवनविभाग व सातारा वनविभागाचे क्षेत्र असून दक्षिणेला रत्नागिरी जिल्ह्यातील चिपळूण यास्वतंत्र उपवन विभागाचे क्षेत्र आहे.  पश्चिमेला 73 कि.मी. लांबीचा सागरी किनारा लाभलेला आहे. संपुर्ण क्षेत्र डोंगराळ व दुर्गम आहे. मुंबई गोवा राष्ट्रीय महामार्गामुळे वनक्षेत्राची विभागणी दोन गटात झाली आहे. डोंगराळ भागाची समुद्र सपाटी पासून सरासरी उंची  610 मी. आहे.

            रोहा वनविभागाचे कार्यक्षेत्रातून, मुंबई गोवा राष्ट्रीय महामार्गक्र.17 (82 कि.मी. लांब ) व कोंकणरेल्वे (84 कि.मी. लांब भिसे खिंडता. रोहा ते विन्हेरे ता. महाड) जातआहे. कोंकण रेल्वचे कोलाड स्टेशनपासून रो-रो सेवांअतर्गत अवजड वाहनांची वाहतूक केली जाते.

            रोहा वनविभागाचे क्षेत्र17⁰ 50’ते 18⁰ 35’ उत्तर या अक्षांशावर आणि 72⁰ 50’ते 73⁰ 38’ या रेखांशावर विस्तारलेले आहे. या वन विभागामध्ये एकूण 895 महसूली गांवे (1991 चे सेन्सस प्रमाणे ) आहेत. त्यापैकी वनक्षेत्र असलेल्या गावांची संख्या 592 असून, या विभागाचे भौगौलिक क्षेत्र 3444.31 चौ. कि.मी. आहे. रोहा वन विभागातील वनक्षेत्राबाबत दि. 31/03/2024 रोजीचा तपशील खालील प्रमाणे आहे.